Pas fitores së madhe 3-1 kundër Hajduk Split, që e çon Dinamon në Play-off-in e UEFA Conference League, prrsidenti Adrian Bardhi u shpreh:
“Unë ndenja deri në fund, kisha shumë besim tek ekipi, te çunat. Ishim përgatitur shumë dhe kisha shumë besim, që do t’ia dilnim. E mendoja këtë mbrëmje. Ardhja e Dajës ishte ajo që doja për të qenë në kryeje të Dinamos. Ishte njeriu i duhur për të arritur këtu.
Është një grup djemsh të mrekullueshëm. I përshëndes edhe u them: forca Dinamo. Me Dajën do të shkojnë shumë larg. Daja ka firmosur kontratë 30-vjeçare me Dinamon. I mungojnë edhe 29 të tjera. Jam shumë rehat. Është hera e parë që unë shikoj 120 minutat e Dinamos. Një nga provat që unë e kalova.
Dinamos i takon të jetë gjithmonë pretendente për titullin kampion. Gjithmonë objektivat e Dinamos do të jenë për të fituar kampionatin. Kemi bërë shumë gjëra për të bërë Dinamon e madhe, i bëj thirrje popullit dinamovit, që t’i bashkohet skuadrës. Janë gjithmonë të mrekullueshëm”.