Më në fund, Dinamo City ka arritur të fitojë edhe një ndeshje derbi këtë sezon. Ka përfunduar 2-1 derbi me Partizanin, i vlefshëm për javën e 23-të të kampionatit.
Për skuadrën tonë është fitorja e tretë radhazi, që na ngjit në kuotën e 31 pikëve. Edhe pse u gjend në disavantazh në pjesën e parë, kur kundërshtari shënoi golin e avantazhit, skuadra gjeti forca dhe reagoi mirë.
Kaçorri barazoi shifrat në pjesën e dytë, kurse në fund Vila shënoi edhe golin e fitores. Lojtari ynë u ndëshkua me karton të kuq (dy të verdha), pasi hoqi fanellë nga gëzimi i golit dhe do të mungojë në Laç.
Dinamo pati edhe mundësi të tjera për të shënuar në këtë ndeshje me anë të Denisonit dhe Zabërgjës.
Trajneri Dritan Mehmeti aktivizoi këtë formacion: Sali, Hoxha, Behiratçe, Lorran (Allmuça), Gudiabi, Andoni (Smaçi), Denison, Vila, Zabërgja, Kaçorri (Qefalia).