Dinamo City ka triumfuar në derbin me Tiranën, ku ka fituar me rezultatin 2-1. Ndeshja e luajtur në “Elbasan Arena” është dominuar nga skuadra jonë, që realizoi dy gola me Qefalijan dhe Nanin. Po ashtu, u krijuan edhe disa raste të tjera për shënim.
Trajneri Ilir Daja ka aktivizuar këtë formacion në derbi: Sali, Meksi, Dita, Aliji, Lorran, Toli, Giudiabi (Doçi), Qefalija (Maliqi), Karamba (Vila), Zabërgja, Nani (Mandela). Mungoi sërish për shkak dëmtimi Dejvi Bregu.
Me këtë fitore Dinamo City ka marrë vendin e parë në tabelën e renditjes. Pas 18 javësh kemi 31 pikë, aq sa ka edhe Vllaznia, por fitoret direkt ndaj këtij rivali na japin kryesimin. Ndeshja e radhës është me Egnatian dhe luhet ditën e shtunë në “Elbasan Arena”.