Dinamo City ka firmosur së fundi me sulmuesin 19-vjeçar, Leo Ballhysa. Një afrim ky për të tashmen dhe për të ardhmen e klubit tonë. Lojtari ka firmosur kontratën përkatëse dhe është prezantuar me fanellën blu.
Ballhysa e ka nisur futbollin me të rinjtë e Shkumbinit, më pas ka kaluar tek akademitë e Pepës dhe Elbasanit, para se të spikaste me të rinjtë e Tiranës.
Sulmuesi i është afrimi i fundit i Dinamo City në merkaton e dimrit, ku më parë janë bashkuar me skuadrën lojtarë si, Jorgo Meksi, Stivian Janku, Kilian Çuni, Ardit Tahiri, Mori Bamba dhe Klevi Qefalia.