Dinamo City prej më shumë se një jave ndodhet në Itali, ku po zhvillon fazën përgatitore. Skuadra jonë ka luajtur dy ndeshje miqësore në Rexho Emilia, ku veçohet ajo e së shtunës kundër Rexhanës.
Kundër një kundërshtari të Serisë B, Dinamo City fitoi 0-1, falë golit të Qardakut në pjesën e dytë. Trajneri Mehmeti aktivizoi nga minuta e parë këtë formacion: Sali, Meksi, Hoxha, Muzek, Lorran, Qefalija, Dita, Karamba, Vila, Zabërgja dhe Qardaku. U aktivizuan në pjesën e dytë të gjithë lojtarët e gatshëm.
Ndeshjen e ndoqi nga afër edhe presidenti Adrian Bardhi, i cili mbeti i kënaqur nga paraqitja e skuadrës në fushë. Një ditë pas ndeshjes ai takoi sërish grupin e futbollistëve, duke i inkurajuar në prag të sezonit të ri.