Ndeshja e javës së 14-të të kampionatit ndaj Skënderbeut ka përfunduar në barazim 2-2 për Dinamo City. Për skuadrën tonë shënuan në këtë ndeshje Mandela që në fillim dhe Lorenco Vila barazoi shifrat në pjesën e dytë.
Trajneri Ilir Daja, i cili kishte mungesat e Alijit, Bregut, Hoxhës e Muzek, aktivizoi këtë formacion në Korçë: Sali, Meksi, Dita, Lorran, Maliqi (Rufati), Toli (Karamba), Qefalija, Gudiabi, Zabërgja, Vila (Nani), Mandela.
Pas javës së 14-të Dinamo City mban vendin e 4-t në tabelën e renditjes, me 21 pikë të grumbulluara. Ndeshja e radhës luhet ditën e shtunë në “Elbasan Arena”, përballë Teutës.