Portieri Aldo Teqja dhe sulmuesi Eridon Qardaku janë dy lojtarët më të rinj të FC Dinamo City. Ata kanë nënshkruar me klubin dhe janë pjesë e skuadrës që në ditën e parë të stërvitjes.
Teqja, 29 vjeç, vjen pas eksperiencave që ka pasur me Skënderbeun, Partizanin, Bylisin dhe Flamurtarin. Qardaku, i cili luan në të dy krahët e sulmit, ka luajtur për Bylisin dhe Vorën. Me këto dy përforcime rritet konkurrenca për portën dhe sulmin blu.
Teqja ka firmosur një kontratë dyvjeçare, kurse Qardaku 2+1. Më parë me skuadrën tonë është bashkuar edhe Bruno Dita, ndërkohë që është arritur akordi me sulmuesin Mandela dhe priten të tjera lëvizje në merkato.